Գերմանացի մարզիչներն անհավանական նվաճման են հասել ՉԼ շրջանակում

Մարտի 17-ին կայացան Չեմպիոնների լիգայի ընթացիկ խաղարկության 1/8 եզրափակչի վերջին պատասխան հանդիպումները, որոնց արդյունքում մրցաշարի քառորդ եզրափակչի վերջին երկու մասնակիցները դարձան «Չելսին» և «Բավարիան»։

Ինչպես տեղեկացնում է OptaFranz-ը, Չեմպիոնների լիգայի պատմության շրջանակում առաջին անգամ մեկ երկիր ներկայացնող 4 գլխավոր մարզիչներ նվաճել են մրցաշարի 1/4 եզրափակչի ուղեգիր։

Խոսքը Գերմանիան ներկայացնող Թոմաս Տուխելի («Չելսի»), Հանս-Դիտեր Ֆլիկի («Բավարիա»), Էդին Թերզիչի («Բորուսիա Դորտմունդ»), ինչպես նաև «Լիվերպուլի» գլխավոր մարզիչ Յուրգեն Կլոպի մասին է։

Հավելենք, որ Չեմպիոնների լիգայի քառորդ եզրափակչի և կիսաեզրափակչի վիճակահանությունը տեղի կունենա մարտի 19-ին՝ Երևանի ժամանակով 15։00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am