Մոուրինիոն իր ուսին դաջել է ՉԼ-ի, ԵԼ-ի և ԿԼ-ի գավաթները📸

«Ռոմայի» գլխավոր մարզիչ Ժոզե Մոուրինիոն Instagram-ի իր էջում լուսանկար է հրապարակել` ցույց տալով, որ իր ուսին դաջել է Չեմպիոնների լիգայի, Եվրոպա լիգայի և Կոնֆերենցիաների լիգայի գավաթները։

Դրանից առաջ էլ «Յուրահատուկը» ևս մեկ գրառում էր կատարել` բացատրելով, թե ինչու է նման որոշում կայացրել։

«Հռոմեական հանրության ուրախությունը դրդեց ինձ գնալ այս քայլին։

Այդ ժամանակ ես մտածեցի ինչ-որ յուրահատուկ բանի մասին` մի բան, որը պատիվ կբերեր այն ակումբներին, որտեղ ես հաղթել եմ եվրոպական մրցաշարերում։

Միևնույն ժամանակ, ցանկանում էի այնպիսի դաջվածք, որից կարող եմ միայն ես ունենալ»,- գրել է պորտուգալացի մասնագետը։

Հավելենք, որ Ժոզե Մոուրինիոն միակ մասնագետն է, ով հաղթել է բոլոր երեք եվրագավաթային մրցաշարերում։ Նա Չեմպիոնների լիգան հաղթել է «Պորտուի» (2004 թ.) և «Ինտերի» (2010 թ.), Եվրոպա լիգան` «Պորտուի» (2003 թ.) և «Մանչեսթեր Յունայթեդի» (2017 թ.), իսկ Կոնֆերենցիաների լիգան` «Ռոմայի» (2022 թ.) ղեկին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am