Մեսսին փայլեց` օգնելով Արգենտինային ջախջախել Բոլիվիային🎥

Կոպա Ամերիկայի շրջանակում ավարտվեց խմբային փուլը, որի վերջին` 5-րդ տուրում Արգենտինայի հավաքականը A խմբի շրջանակում մրցեց Բոլովիայի ընտրանու դեմ։

«Ալբիսելեստեն» ողջ հանդիպման ընթացքում ուներ տարածքայիմ ու խաղային հսկայական առավելություն և հաղթեց 4:1 հաշվով։

Արգենտինացիների կազմում փայլեց Լեո Մեսսին, ով դարձավ 2 գոլի և 1 գոլային փոխանցման հեղինակ, մեկական անգամ էլ աչքի ընկան Ալեխանդրո Պապու Գոմեսն ու Լաուտարո Մարտինեսը։ Բոլիվիայի հավաքականի միակ գնդակն իր անվան դիմաց է գրանցել Էդվին Սավեդրան։

Հատկանշական է, որ հավաքականի կազմում այդ խաղը Լեո Մեսսիի համար ռեկորդային էր։ 34-ամյա հարձակվողն Արգենտինայի կազմում անցկացրեց իր 148-րդ հանդիպումը և դարձավ «ալբիսելեստեի» կազմում երբևէ բոլորից շատ հանդիպում անցկացրած ֆուտբոլիստը` շրջանցելով Խավիեր Մասկերանոյին։

Հավելենք, որ այս հաղթանակից հետո Լիոնել Սկալոնիի թիմը վաստակեց 10 միավոր և հաղթեց A խումբը` նվաճելով Կոպայի 1/4 եզրափակչի ուղեգիր, որի շրջանակում հուլիսի 4-ին կմրցի Էկվադորկ հավաքականի դեմ։

Այս խմբում կայացել է ևս մեկ հանդիպում. Ուրուգվայի հավաքականը Էդինսոն Կավանիի խփած միալ գոլի շնորհիվ 1:0 հաշվով հաղթել է Պարագվային։

Ուրուգվայցիներն էլ 7 միավորով A խմբում զբաղեցրել են 2-րդ հորիզոնականը։

Հավելենք, որ մրցաշարի 1/4 եզրափակչի շրջանակում բացի Արգենտինա – Էկվադոր խաղից, կկայանան են նաև հետևյալ հանդիպումները.

Ուրուգվայ – Կոլումբիա

Բրազիլիա – Չիլի

Պերու – Պարագվայ

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am