Մեսսիի հերթական պերֆորմանսը. Արգենտինան դուրս եկավ Կոպայի կիսաեզրափակիչ🎥

Մեսսիի հերթական պերֆորմանսը. Արգենտինան դուրս եկավ Կոպայի կիսաեզրափակիչ🎥

04/07/2021 - 10:59

Կոպա Ամերիկայի շրջանակում կայացան մյուս երկու 1/4 եզրափակչի հանդիպումները։

Խաղային օրը բացեցին Ուրուգվայի ու Կոլումբիայի հավաքականները։

Ողջ հանդիպման ընթացքում հիմնականում հավասար պայքար է ծավալվել, ինչի արդյունքում հիմնական ժամանակում այդպես էլ որևէ գոլ չի գրանցվել, իսկ կողմերը հաղթողին պարզելու համար իրացրել են 11-մետրանոց հարվածներ։

Վճռորոշ է դարձել Կոլումբիայի հավաքականի դարպասապահ Դավիդ Օսպինայի փայլուն խաղը, ով հետ է մղել ուրուգվայցիների երկու հարված։ Մասնավորապես նշակետից վրիպել են Խոսե Մարիա Խիմենեսն ու Մաթիաս Վինան։

Կոլումբացիներն էլ իրենց բոլոր հարվածներն ավարտել են գոլով ու հաղթել ընդհանուր 4:2 հաշվով` նվաճելով Կոպա Ամերիկայի կիսաեզրափակչի ուղեգիր։

Քառորդ եզրափակչի վերջին խաղում էլ միմյանց դեմ մրցեցին Արգենտինայի ու Էկվադորի հավաքականները։

Հերթական փայլուն հանդիպումն անցկացրեց Լեո Մեսսին, ով այս անգամ դարձավ երկու գոլային փոխանցման և մեկ գոլի հեղինակ։

«Ալբիսելեստեի» ավագը նախ օգնեց աչքի ընկնել Ռոդրիգո Դե Պաուլին և Լաուտարո Մարտինեսին, ապա ինքը 90+3-րդ րոպեին, վարպետորեն իրացնելով տուգանային հարվածը, դրեց այս հանդիպման վերջակետը։

Մեսսին ընթացիկ Կոպայում անցկացրած 5 խաղում դարձել է 4 գոլի և 4 գոլային փոխանցման հեղինակ։

Այսպիսով, Արգենտինայի հավաքականը 3:0 հաշվով վստահ հաղթանակ տարավ Էկվադորի նկատմամբ և Կոպա Ամերիկայի եզրափակչի ուղեգիրը կվիճարկի Կոլումբիայի ընտրանու հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ միացե՛ք նաև GOALART-ի Telegram-ի ալիքին և մասնակցեք ֆուտբոլային տարբեր քննարկումներին` https://t.me/Golarat10

# , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023