Մարիո Բալոտելին կրկին մոտ է ակումբային գրանցումը փոխելուն

Ինչպես տեղեկացնում է ինսայդեր Ֆաբրիցիո Ռոմանոն, իտալացի անվանի հարձակվող Մարիո Բալոտելին շուտով կխզի պայմանագիրը շվեյցարական «Սիոնի» հետ։

Աղբյուրի փոխանցմամբ` թուրքական Սուպեր լիգան ներկայացնող «Ադանա Դեմիրսպորը» պատրաստ է վերադարձնել «Սուպեր Մարիոյին»։

Ինսայդեր Նիկոլո Սկիրան էլ հայտնում է, որ թուրքական ակումբը մինչև 2025 թ. հունիսի 30-ը պայմանագիր է առաջարկել Բալոտելիին։

Հատկանշական է, որ Բալոտելին 2021-22 թթ. արդեն հանդես է եկել «Ադանա Դեմիրսպորի» կազմում` անցկացրած 35 խաղում դառնալով 19 գոլի և 7 գոլային փոխանցման հեղինակ։

Նշենք, որ իտալացի ֆուտբոլիստը «Սիոնի» գույները պաշտպանում է 2022 թ. օգոստոսից, որի կազմում դաշտ է դուրս եկել 19 անգամ և խփել 6 գոլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am