Մահցել է լեգենդար Պակո Խենտոն

Մահցել է լեգենդար Պակո Խենտոն

18/01/2022 - 18:14

Ինչպես տեղեկացնում է «Ռեալ Մադրիդի» պաշտոնական կայքը, 88 տարեկան հասակում մահացել է ակումբի լեգենդար նախկին հարձակվող Ֆրանսիսկո` Պակո Խենտոն։

Խենտոն «Ռեալի» կազմում հանդես է եկել 1953-1971 թթ. և այդ ընթացքում ակումբի մարզաշապիկով մասնակցել է 600 հանդիպման` դառնալով 182 գոլի հեղինակ։

Խենտոն համաշխարհային ֆուտբոլում միակն է, ով 6 անգամ դարձել է Եվրոպական չեմպիոնների գավաթի հաղթող (Խմբ.` Չեմպիոնների լիգան ժամանակին կոչվել է Եվրոպական չեմպիոնների գավաթ)։

Բացի դրանից, Խենտոն ևս 12 անգամ «արքայական» ակումբի հետ դարձել է Լա լիգայի չեմպիոն, 2 անգամ` Իսպանիայի գավաթակիր, իսկ 1960 թ. նվաճել է Միջմայրցամաքայաին գավաթը։

Նշենք նաև, որ Լա լիգայի 12 չեմպիոնական տիտղոսները նույնպես ռեկորդային ցուցանիշ է ։

Ընդհանուր առմամբ Խենտոն «Ռեալի» կազմում նվաճել է 23 տիտղոս և ակումբի պատմության ամենատիտղոսակիր ֆուտբոլիստն է, և միայն վերջերս Մարսելոն, նվաճելով Իսպանիայի Սուպերգավաթը, կրկնեց այդ ցուցանիշը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023