Հայտնի են դարձել Ռյուդիգերի ու Ռեալի միջև կնքվելիք պայմանագրի մանրամասները

Հայտնի են դարձել Ռյուդիգերի ու Ռեալի միջև կնքվելիք պայմանագրի մանրամասները

01/05/2022 - 11:04

Ինչպես արդեն տեղեկացրել ենք, «Չելսիի» կենտրոնական պաշտպան Անտոնիո Ռյուդիգերն ընթացիկ մրցաշրջանի ավարտից հետո, ամենայն հավանականությամբ, ազատ գործակալի կարգավիճակով կարիերան կշարունակի «Ռեալ Մադրիդի» կազմում. գերմանացի պաշտպանն անձնական պայմանագիր է համաձայնեցրել «արքայական» ակումբի հետ։

Marca-ին մի շարք մանրամասներ է հաջողվել պարզել կողմերի միջև կնքվելիք պայմանագրից։

29-ամյա ֆուտբոլիստը «Ռեալում» վաստակելու է տարեկան 9 մլն եվրո աշխատավարձ։

Ռյուդիգերը «սերուցքայինների» հետ պայմանագիր կնքելու համար կստանա 8 մլն եվրո հավելավճար։ Նա այդ գումարը ստանալու է մաս-մաս. յուրաքանչյուր տարի 2 մլն եվրո։

Բացի դրանից, «Ռեալը» ևս 15 մլն եվրո կվճարի Ռյուդիգերի գործակալին` Սար Սինեզիին` տրանսֆերն իրականացնելու ու միջնորդելու համար։

Գերմանացի պաշտպանը «Ռեալի» հետ կնքելու է 4 տարվա պայմանագիր, և եթե մինչև 2026 թ. հունիսի 30-ը շարունակի հանդես գալ մադրիդյան ակումբի կազմում, ապա ընդհանուր առմամբ կվաստակի 44 մլն եվրո, ինչը 11 միլիոնով ավելի քիչ է, որը նա պահանջել է բանակցությունների նախնական փուլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023