Հայաստանի հավաքականը կորուստներ ունի առաջիկա ընկերական հանդիպումներից առաջ

Ինչպես տեղեկացնում է ՀՖՖ պաշտոնական կայքը, Հայաստանի հավաքականն այսօր` մարտի 21-ին, սկսել է մարզական հավաքը, որի շրջանակում նախապատրասվում է առաջիկա ընկերական հանդիպումներին։

Հավաքականին արդեն միացել են հետևյալ ֆուտբոլիստները.

Դարպասապահներ

Դավիթ Յուրչենկո – «Փյունիկ»

Արման Ներսեսյան – ԲԿՄԱ

Հենրի Ավագյան – «Նորավանք»

Պաշտպաններ

Կամո Հովհաննիսյան – «Աստանա» (Ղազախստան)

Ժիրայր Մարգարյան – «Ուրարտու»

Արման Հովհաննիսյան – «Փյունիկ»

Դավիթ Տերտերյան – «Արարատ-Արմենիա»

Ժոաո Ժորդի Մոնրոյ Արարատ «Նոա»

Ստյոպա Մկրտչյան – ԲԿՄԱ

Կիսապաշտպաններ/Հարձակվողներ

Վահան Բիչախչյան – «Պոգոն» (Լեհաստան)

Տիգրան Բարսեղյան – «Սլովան» (Սլովակիա)

Արտակ Գրիգորյան – «Ալաշկերտ»

Սոլոմոն Ուդո – «Արարատ-Արմենիա»

Հովհաննես Հարությունյան – «Փյունիկ»

Արտյոմ Ավանեսյան – «Արարատ-Արմենիա»

Արթուր Սերոբյան – ԲԿՄԱ

Էրիկ Վարդանյան – «Ուրարտու»

Գևորգ Ղազարյան – «Փյունիկ»

Խորեն Բայրամյանը և Էդուարդ Սպերցյանը Երևան կժամանեն մարտի 21-ին՝ կեսօրից հետո, իսկ Վարազդատ Հարոյանն ու Անդրե Չալըշըրը` վաղը` մարտի 22-ին։

Ցավոք, հավաքականին չեն միանալու Լուկաս Սելարայանն ու Սարգիս Ադամյանը, ովքեր իրենց ակումբների կազմում անցկացրած վերջին խաղում վնասվածք են ստացել։

ՀՖՖ մամուլի ծառայությունը հայտնում է, որ Ադամյանի փոխարեն հավաքական է հրավիրվել «Ուրարտուի» հարձակվող Արթուր Միրանյանը։

Ավելի վաղ հայտնի էր դարձել, որ կորոնավիրուսով վարակվելու պատճառով հավաքականի հայտացուցակից դուրս է մնացել նաև Հովհաննես Համբարձումյանը, ում փոխարինել է «Նոայի» պաշտպան Ժոաո Ժորդի Մոնրոյ Արարատը։

Հիշեցնենք, որ Հայաստանի հավաքականը մարտի 24-ին Երևանում ընկերական հանդիպում կանցկացնի Չեռնոգորիայի, իսկ մարտի 29-ին` Օսլոյում` Նորվեգիայի ընտրանու դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am