Կրիշտիանու Ռոնալդուին որակազրկում է սպառնում 🎥

Սաուդյան Արաբիան ներկայացնող «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն հայտնվել է անախորժ իրավիճակում։

Բանն այն է, որ 39-ամյա ֆուտբոլիստը Պրո լիգայի 21-րդ տուրում «Ալ Շաբաբի» դեմ արտագնա խաղից հետո (3:2) լսելով, որ երկրպագուները վանկարկում են Լեո Մեսսիի անունը` ցուցադրաբար անպարկեշտ ժեստ է ցույց տվել, որը չի վրիպել ոչ մեկի աչքից։

Al Riyadhiah-ն հայտնում է, որ Սաուդյան Արաբիայի ֆուտբոլի ֆեդերացիայի կարգապահական և էթիկայի հանձնաժողովները միջադեպի հետ կապված հետաքննություն են սկսել։

«Ալ Նասրի» ներկայացուցիչները պնդում են, որ համացանցում տարածված տեսանյութը պատրաստվել է արհեստական բանականության միջոցով։

Աղբյուրի փոխանցմամբ` այժմ Ռոնալդուին սպառնում է երկխաղյա որակազրկում և տուգանք։

Հավելենք, որ պորտուգալացի հարձակվողը Սաուդյան Արաբիայի ընթացիկ առաջնությունում անցկացրած 20 խաղում խփել է 22 գոլ` գլխավորելով լավագույն ռմբարկուների ցուցակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am