Կիլիան Մբապեն խոսել է Էմիլիանո Մարտինեսի վարքագծի մասին

ՊՍԺ-ի և Ֆրանսիայի հավաքականի հարձակվող Կիլիան Մբապեն խոսել է դարպասապահ Էմիլիանո Մարտինեսի («Աստոն Վիլլա», Արգենտինա) վարքագծի մասին.

«Դա իմ խնդիրը չէ։ Չեմ ցանկանում ժամանակ ծախսել դատարկ բաների վրա»,- 24-ամյա հարձակվողի խոսքերը մեջբերում է GFFN-ը։

Հիշեցնենք, որ Արգենտինայի հավաքականի կազմում աշխարհի չեմպիոն դառնալուց հետո Մարտինեսը մի քանի անգամ հրապարակավ ծաղրել է Մբապեին։

30-ամյա դարպասապահը հավաքականի խաղընկերների հետ հանդերձարանում հաջողությունը նշելիս Մբապեի համար «լռության րոպե» է հայտարարել, իսկ Բուենոս Այրեսում տեղի ունեցած շքերթի ժամանակ հանդիսականներին ֆրանսիացի հարձակվողի պատկերով տիկնիկ է ցույց տվել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am