Կանանց ՉԼ. Բարսան կրկին ուժեղ էր Էլ Կլասիկոյում🎥

Կանանց ՉԼ. Բարսան կրկին ուժեղ էր Էլ Կլասիկոյում🎥

23/03/2022 - 10:42

Մարտի 22-ին մեկնարկեց Չեմպիոնների լիգայի կանանց մրցաշարի 1/4 եզրափակիչը։

Բոլորի ուշադրության կենտրոնում Մադրիդի «Ալֆրեդո դի Ստեֆանո» մարզադաշտն էր, որտեղ կայացավ հերթական Էլ Կլասիկոն. «Ռեալը» սեփական հարկի տակ մրցեց «Բարսելոնայի» դեմ։

Հանդիպումը բավական անսպասելի մեկնարկ ունեցավ, քանի որ արդեն 8-րդ րոպեին «արքայական» ակումբին առաջ մղեց Օլգա Կարմոնան։

Հավասար պայքարում ընթացած առաջին խաղակեսից հետո «Բարսելոնայի» ֆուտբոլիստները երկրորդ կեսում կարողացան խաղային լուրջ առավելություն ստանալ ու բեկել հանդիպման ընթացքը` հաղթելով 3:1 հաշվով։

«Բլաուգրանայի» կազմից դուբլի հեղինալ դարձավ Ալեքսիա Պուտելիասը, մեկ անգամ էլ աչքի ընկավ Կլաուդիա Պինան։

Նշենք, որ Ալեքսիա Պուտելիասն ընթացիկ մրցաշրանում բոլոր մրցաշարերի շրջանակում անցկացրած 29 խաղում դարձել է 26 գոլի և 16 գոլային փոխանցման հեղինակ։

Հավելենք, որ դիմակայության պատասխան հանդիպումը կկայանա մարտի 30-ին` «Նոու Կամպ» մարզադաշտում։

1/4 եզրափակիչի շրջանակում կայացել է ևս մեկ հանդիպում.

«Բավարիա» 1:2 ՊՍԺ

Վերջում ավելացնենք, որ Չեմպիոնների լիգայի կանանց մրցաշարի 1/4 եզրափակիչի առաջին հանդիպման շրջանակում կկայանան նաև «Արսենալ» – «Վոլֆսբուրգ» և «Յուվենտուս» – «Լիոն» հանդիպումները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023