Կայացել է Չեմպիոնների լիգայի 2022/23 խաղարկության  որակավորման նախնական փուլի վիճակահանությունը

Կայացել է Չեմպիոնների լիգայի 2022/23 խաղարկության որակավորման նախնական փուլի վիճակահանությունը

08/06/2022 - 11:56

Ինչպես տեղեկացնում է ՈՒԵՖԱ-ի պաշտոնական կայքը, հունիսի 7-ին` Շվեյցարիայի Նիոն քաղաքում` ՈՒԵՖԱ-ի շտաբ-բնակարանում կայացել է Չեմպիոնների լիգայի 2022/23 խաղարկության որակավորման նախնական փուլի վիճակահանությունը։

Ձևավորվել են հետևյալ զույգերը.

«Լևադիա» (Էստոնիա) – «Վիկինգուր» (Իսլանդիա)

«Լա Ֆիորիտա» (Սան Մարինո) – «Ինտեր Էսկալդես» (Անդորրա)

Նշենք, որ Չեմպիոնների լիգայի որակավորման նախնական փուլը փոքրիկ մրցաշար է, որն անցկացվում է փլեյ-օֆֆ ձևաչափով։

Դիմակայությունները բաղկացած են լինելու մեկ հանդիպումից և անցկացվելու են «կիսաեզրափակիչ-եզրափակիչ» սկզբունքով, որի հաղթողը կնվաճի Չեմպիոնների լիգայի որակավորման առաջին փուլի ուղեգիր։

Մրցաշարը լքած մյուս ակումբները պայքարը կշարունակեն Կոնֆերենցիաների լիգայի որակավորման երկրորդ փուլում։

Հավելենք, որ որակավորման նախնական փուլի կիսաեզրափակիչ հանդիպումները կկայանան հունիսի 21-ին, իսկ եզրափակիչը` հունիսի 24-ին։ Բոլոր հանդիպումներն անցկացվելու են Իսլանդիայում։

Հիշեցնենք, որ Չեմպիոնների լիգայի 2022/23 խաղարկությունում Հայաստանը ներկայացնելու է VBET Պրեմիեր լիգայի չեմպիոն «Փյունիկը», որը պայքարն սկսելու է որակավորման առաջին փուլից, որի վիճակահանությունը կկայանա հունիսի 14-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023