Կամո Հովհաննիսյանի գոլը Դինամո Զագրեբի դեմ խաղում 🎥

Կոնֆերենցիաների լիգայի 1-ին տուրում «Աստանան» C խմբի շրջանակում հյուրընկալվելիս 1:5 հաշվով ջախջախիչ պարտություն կրեց «Դինամո Զագրեբից»։

Ղազախական ակումբի կազմից ողջ հանդիպմանը մասնակցեց նաև Կամո Հովհաննիսյանը, ով խփեց իր թիմի միակ գոլը` լուսատախտակին վառելով 1:3 հաշիվը։

Նշենք, որ հայազգի ֆուտբոլիստն «Աստանա» տեղափոխվելուց հետո պաշտոնական խաղերում ակումբի կազմում խփեց առաջին գոլը։

30-ամյա պաշտպանն «Աստանա» է տեղափոխվել 2022 թ. հունվարին և ակումբի կազմում անցկացրել է արդեն 56 հանդիպում։

Հովհաննիսյանը վերջին գոլը խփել էր դեռևս «Կայրաթի» կազմում` 2021 թ. նոյեմբերի 25-ին Կոնֆերենցիաների լիգայի խմբային փուլում գրավելով շվեյցարական «Բազելի» դարպասը (2:3)։

Հավելենք, որ «Դինամո Զագրեբի» դեմ կայացած հանդիպմանն «Աստանայի» կազմից մասնակցել է նաև Վարազդատ Հարոյանը` փոխարինման դուրս գալով 45-րդ րոպեին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am