Լոնդոնում թեժ էր. Չելսին ջախջախեց Տոտենհեմին🎥

Լոնդոնում թեժ էր. Չելսին ջախջախեց Տոտենհեմին🎥

19/09/2021 - 21:23

Անգլիական Պրեմիեր լիգայի 5-րդ տուրի կենտրոնական հանդիպումը կայացավ Լոնդոնում, որտեղ «Տոտենհեմը» սեփական հարկի տակ մրցեց «Չելսիի» դեմ։

Ասել, թե հանդիպման առաջին կեսում կողմերից որևէ մեկն ուներ առավելություն, նշանակում է ոչինչ չասել, քանի որ խաղն ընթանում էր հավասար պայքարում` փոխնիփոխ գրոհների ներքո։

Ամեն դեպքում, առաջին կեսում գոլեր չտեսանք։

Հանդիպման երկրորդ կեսում «Չելսին» ապացուցեց իր բարձր կարգը և գրեթե կատարյալ խաղակես անցկացրեց։

Խաղակեսի հենց մեկնարկից «ազնվականները» տիրեցին նախաձեռնությանը և միանգամից ստացան երկու գնդակի առավելություն։

Նախ 49-րդ րոպեին անկյունանի խաղարկումից հետո աչքի ընկավ Տիագո Սիլվան, ապա 57-րդ րոպեին Նգոլո Կանտեի հարվածից հետո գնդակն անդրադարձավ Էրիկ Դայերից ու հայտնվեց Ուգո Լյորիսի պաշտպանած դարպասում։

Հանդիպման մնացած ժամանակածում էլ Թոմաս Տուխելի սաներն ունեին տարածքային ու խաղային առավելություն և կարող էին մի քանի գնդակ ևս ուղարկել «խցանների» դարպասը, սակայն նրանք ամեն անգամ վրիպում էին նպաստավոր դիրքերից։

Ի վերջո, 90+2-րդ րոպեին «թոշակառուները» հաշիվը ջախջախիչ դարձրեց հաշիվը, իսկ գոլի հեղինակ դարձավ Անտոնիո Ռյուդիգերը։

Այսպիսով, «Չելսին» հյուրընկալվելիս 3:0 հաշվով հաղթեց «Տոտենհեմին» վաստակեց 13 միավոր և բարձրացավ 1-ին հորիզոնական։

Հավելենք, որ 13-ական միավոր ունեն նաև «Լիվերպուլն» ու «Մանչեսթեր Յունայթեդը», սակայն վերջիններս լրացուցիչ ցուցանիշներով զբաղեցնում են համապատասխանաբար 2-րդ և 3-րդ հորիզոնականները։

«Տոտենհեմն» էլ մնաց նախապես վաստակած 9 միավորով և զբաղեցնում է 5-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023