Լյուկ դե Յոնգը շատ մոտ է ակումբային գրանցումը փոխելուն

Լյուկ դե Յոնգը շատ մոտ է ակումբային գրանցումը փոխելուն

02/07/2022 - 11:01

«Սևիլիայի» հարձակվող Լյուկ դե Յոնգը, ամենայն հավանականությամբ, կարիերան կշարունակի հոլանդական ՊՍՎ-ի կազմում։

Ինչպես հայտնում է ակումբի պաշտոնական կայքը, 31-ամյա ֆուտբոլիստը մեկնել է Էյնդհովեն և բուժզննում անցել ՊՍՎ-ի համար։

Տրանսֆերի հարցում ՊՍՎ-ն ու «Սևիլիան» բանակցություններ են վարում, որոնք վերջնական փուլում են։

Հոլանդական ակումբը հուսով է, որ արդեն հուլիսի 2-ին կհայտարարի գործարքի մասին։

Ըստ ինսայդեր Ֆաբրիցիո Ռոմանոյի տեղեկությունների` «գյուղացիները» գործարքի դիմաց «Սևիլիային» վճարելու են 4 մլն եվրո։

Հավելենք, որ Լյուկ դե Յոնգը 2014-19 թթ. արդեն հանդես եկել է ՊՍՎ-ի կազմում, որի մարզաշապիկով անցկացրել է 204 հանդիպում` դառնալով 112 գոլի և 56 գոլային փոխանցման հեղինակ։

Հիշեցնենք, որ 31-ամյա հարձակվողը 2021/22 մրցաշրջանը վարձավճարով անցկացրեց «Բարսելոնայում», որի կազմում անցկացրած 29 խաղում դարձել է 7 գոլի և 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023