Լիսանդրո. «Բետիսի դեմ հանդիպումը ցույց տվեց, թե ով ենք մենք»

Լիսանդրո. «Բետիսի դեմ հանդիպումը ցույց տվեց, թե ով ենք մենք»

10/03/2023 - 10:08

Եվրոպա լիգայի 1/8 եզրափակիչի առաջին խաղում «Մանչեսթեր Յունայթեդը» սեփական հարկի տակ 4:1 հաշվով ջախջախեց «Բետիսին»։

Հանդիպումից հետո իր տպավորություններով է կիսվել մանկունյական ակումբի կենտրոնական պաշտպան Լիսանդրո Մարտինեսը.

«Մենք, հատկապես, երկրորդ խաղակեսում հիանալի աշխատանք կատարեցինք. շատ գոլային պահեր ստեղծեցինք և 4 գոլ խփեցինք։

Լավ արդյունք գրանցեցինք, սակայն դիմակայությունը դեռևս ավարտված չէ, այնպես որ մենք պետք է շարունակենք կենտրոնացվածություն պահպանել` պատասխան հանդիպմանը լավ պատրաստվելու համար։

«Բետիսի» դեմ հանդիպումը ցույց տվեց, թե ով ենք մենք։ Մենք ցանկանում են միշտ հաղթել։ Մենք մեզ նման չէինք «Լիվերպուլի» դեմ խաղում (0:7)։ Շոկի մեջ էինք այդ խաղից հետո, քանի որ այն ավարտվեց անչափ վատ հաշվով։ Այժմ պետք է առաջ շարժվել»,- արգենտիացի պաշտպանի խոսքերը մեջբերում է ՈՒԵՖԱ-ի պաշտոնական կայքը։

Հավելենք, որ «Մանչեսթեր Յունայթեդ» – «Բետիս» դիմակայության պատասխան հանդիպումը կկայանա մարտի 16-ին` Սևիլիայի «Բենիտո Վիլիամարին» մարզադաշտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023