Լա լիգայի առաջատար ակումբներից մեկը մոտ է Մարսիալին վարձակալելուն

«Մանչեսթեր Յունայթեդի» հարձակցող Անտոնի Մարսիալը մոտ է ակումբային գրանցումը փոխելուն։

Ինչպես տեղեկացնում է L’Equipe-ը, ֆրանսիացի ֆուտբոլիստը, ամենայն հավանականությամբ, կարիերան կշարունակի «Սևիլիայի» կազմում։

Աղբյուրի փոխանցմամբ` անդալուսական ակումբը մինչև 2022 թ. հոււնիսի 30-ն առանց գնման իրավունքի կվարձակալի 26-ամյա հարձակվողին։

Հատկանշական է, որ օրեր առաջ ESPN-ը հայտնել էր, որ «Յունայթեդը» մերժել էր «Սևիլիայի» նախնական առաջարկը, սակայն այժմ կողմերը մոտ են համաձայնության հասնելուն։

Հիշեցնենք, որ Անտոնի Մարսիալը «կարմիր սատանաների» շարքերը համալրել է 2015 թ. սեպտեմբերին և մինչ օրս ակումբի կազմում անցկացրել է 268 հանդիպում` դառնալով 79 գոլի և 50 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am