Իսպանական գրանդն Էնդրիկի համար մղվող պայքարում առաջ է անցել մրցակիցներից

Իսպանական գրանդն Էնդրիկի համար մղվող պայքարում առաջ է անցել մրցակիցներից

06/12/2022 - 11:45

«Պալմեյրասի» պատանի հարձակվող Էնդրիկը շարունակում է մնալ գրեթե բոլոր եվրոպական գրանդ ակումբների ուշադրության կենտրոնում։

16-ամյա ֆուտբոլիստին իրենց շարքերում են ցանկանում տեսնել «Ռեալ Մադրիդը», «Բարսելոնան», «Չելսին», ՊՍԺ-ն, «Լիվերպուլը» և այլ ակումբներ։

Մեկ ամիս առաջ համացանցում տեղեկություն տարածվեց, որ բրազիլացի ֆուտբոլիստի համար հիմնական պայքարը մղվելու է «Ռեալի», «Չելսիի» և ՊՍԺ-ի միջև, սակայն, ինչպես հայտնում է ինսայդեր Ֆաբրիցիո Ռոմանոն, «արքայական» ակումբն արդեն առաջ է անցել մյուս մրցակիցներից։

Աղբյուրի փոխանցմամբ` «սերուցքայիններն» այժմ ֆավորիտ են 16-ամյա հարձակվողին ձեռք բերելու հարցում։

Ռոմանոն գրում է, որ «Ռեալը» «Պալմեյրասի» հետ պաշտոնական բանակցություններ վարում և պատրաստ է բրազիլական ակումբին վճարել այնքան, որքան կազմում է Էնդրիկի հրաժարագինը` 60 մլն եվրո։

Նշենք, որ հրաժագնի այդ կետն ակտիվանալու է 2024 թ. հուլիսի 1-ից և սպասվում է, որ Էնդրիկն ակումբային գրանցումը պաշտոնապես կփոխի հենց այդ ժամանակ, երբ արդեն 18 տարեկան դարձած կլինի։

Հաղորդվում է, որ «Չելսին» ու ՊՍԺ-ն շարունակում են մնալ պայքարում, իսկ «Բարսելոնան» դեռևս որևէ առաջարկ չի կատարել «Պալմեյրասին», ինչի հետևանքով էլ չեն սկսվել բանակցություններ։

Հիշեցնենք, որ Էնդրիկը վերջերս դարձել է բրազիլական Ա սերիայի պատմության ամենաերիտասարդ գոլի հեղինակը։

Սույն թվականի հոկտեմբերի 26-ին «Ատլետիկո Պարանաենսեի» դեմ խաղում Էնդրիկը մրցակցի դարպասը գրավել է 16 տարեկան 3 ամսական և 4 օրական հասակում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023