Ինտերը վերադառնում է. «ներաձուրիները» ջախջախեցին Սալերնիտանային🎥

Ինտերը վերադառնում է. «ներաձուրիները» ջախջախեցին Սալերնիտանային🎥

05/03/2022 - 01:45

Իտալական Ա սերիայի շրջանակում մեկնարկեց 28-րդ տուրը, որի առաջին խաղում «Ինտերը» սեփական հարկի տակ մրցեց առաջնության ակնհայտ հետնապահ «Սալերնիտանայի» դեմ։

Հանդիպման ողջ ընթացքում Սիմոնե Ինձզագիի թիմն ուներ տոտալ առավելություն, ինչն էլ նպաստեց, որ տանտերերը մրցակցին ջախջախեցին 5:0 հաշվով։

«Ներաձուրիների» կազմից հեթ-տրիկի հեղինակ դարձավ Լաուտարո Մարտինեսը, երկու գոլ էլ խփեց Էդին Ջեկոն։

Նշենք, որ «Ինտերը» վերջին 5 խաղերում հաղթանակ չէր տոնել, իսկ վերջին 4 խաղերում չէր կարողացել գոլի հեղինակ դառնալ։

Ինչ վերաբերում է Լաուտարո Մարտինեսին, ապա արգենտինացի հարձակվողը «Ինտերի» կազմում վերջին անգամ գոլի հեղինակ դարձել էր հունվարի 13-ին. նրա «չոր» շարքը կազմեց 10 հանդիպում։

Այս հաղթանակից «Ինտերը» վաստակեց 58 միավոր և բարձրացավ մրցաշարային աղյուսակի 1-ին հորիզոնական։

«Սալերնիտանան», 15 միավորով, վերջին է` 20-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023