Իկարդին` Մեսսին. «Ոչ ոք այս գավաթին ավելի արժանի չէ, որքան դու»

ՊՍԺ-ի հարձակվող Մաուրո Իկարդին, ով այժմ վարձավճարով հանդես է գալիս թուրքական «Գալաթասարայի» կազմում, շնորհավորել է Լեո Մեսսիին աշխարհի չեմպիոն դառնալու կապակցությամբ։

«Շնորհավորում եմ, Լեո։ Ոչ ոք այս գավաթին ավելի արժանի չէ, որքան դու։ Դու երկար ժամանակ մարտչնել ես դրա համար և վերջապես ստացար այն։

Նաև շնորհավորում եմ բոլորին, ովքեր այս հիանալի թիմի մասն են կազմում։ Անչափ հաճելի է, որ նախկինում ես նույնպես այս թիմի մի մասն եմ եղել և կիսել եմ հիանալի պահեր։

Առա՜ջ, Արգենտինա»,- գրել է Իկարդին Instagram-ում` հրապարակելով նաև իր և Լեո Մեսսիի համատեղ լուսանկարներից մեկը։

Հավելենք` հայտնի է, որ Իկարդին և Լեո Մեսսին այնքան էլ լավ հարաբերություններ չունեն` կապված 29-ամյա հարձակվողի կնոջ` Վանդա Նարայի հետ։

Նարան ժամանակին եղել է Մեսսիի մոտ ընկերոջ` Մաքսի Լոպեսի կինը, սակայն Իկարդին «փախցրել» է վերջինիս ձեռքից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am