Ժոաո Ֆելիշը վերջապես փայլում է 🎥

Չեմպիոնների լիգայի խմբային փուլի 2-րդ տուրի շրջանակում «Ատլետիկո Մադրիդը» B խմբում սեփական հարկի տակ մրցեց «Զալցբուրգի» դեմ։

Դիեգո Սիմեոնեի սաները «Բավարիայից» կրած 0։4 հաշվով խայտառակ պարտությունից հետո որոշ բաներ ունեին ապացուցելու ֆուտբոլային հանրությանը, իննչն էլ հաջողվեց նրանց` հաղթելով 3։2 հաշվով։

Մադրիդյան ակումբը 29-րդ րոպեին Մարկոս Լյորենտեի խփած գոլի շնորհիվ հաղթում էր 1։0 հաշվով, սակայն ավստրիացիները 40-րդ րոպեին Դոմինիկ Սոբոսլայի և 47-րդ րոպեին Մեգրիմ Բերիշայի խփած գոլերի շնորհիվ առաջ էին անցել հաշվի մեջ։

Բաց թողած երկրորդ գոլից հետո «հնդկացիները» լուրջ ճնշում գործադրեցին մրցակցի դարպասի ուղղությամբ, ինչն էլ տվեց իր պտուղները ։ Խաղի հերոս դարձավ Ժոաո Ֆելիշը, ով 52 և 85-րդ րոպեներին երկու անգամ գրավեց մրակցի դարպասը։

Ընդհանուր առամբամբ 20-ամյա ֆուտբոլիստը ֆանտաստիկ հանդիպում անցկացրեց։ Նա 7 անգամ հարվածել է մրցակցի դարպասի ուղղությամբ, որոնցից 4-ը եղել են ուղիղ դարպասին, 7 անգամ հաջողված դրիբլինգի է դիմել, 4 անգամ էլ մրցակիցները նրա նկատմամբ խախտել են խաղի կանոնները։

A խումբ

«Բավարիա» – 6 միավոր

«Ատլետիկո» – 3 միավոր

«Լոկոմոտիվ» – 1 միավոր

«Զալցբուրգ» – 1 միավոր