Թրիլլեր Վիեննայում. Լեգիան անհավանական պայքարում դուրս եկավ ԿԼ որակավորման փլեյ-օֆֆ փուլ🎥

Կոնֆերենցիաների լիգայի որակավորման երրորդ փուլում լեհական «Լեգիան» Վիեննայում հյուրընկալվելիս մրցեց «Աուստրիայի» դեմ։

Նշենք, որ դիմակայության առաջին խաղում ավստրիական ակումբը հյուրընկալվելիս 2:1 հաշվով անակնկալ հաթանակ էր տոնել։

Պատասխան հանդիպումն, առաջ ընկնելով, նշենք, որ պարզապես թրիլլերային և անհավանական սցենար ունեցավ։

Հիմնականում հավասար պայքարում ընթացած առաջին կեսում «Լեգայի» ֆուտբոլիստները կարողացան երկու գնդակի առավելություն ստանալ, որոնք իրենց անվան դիմաց գրանցեցին Յուրգեն Էլիթիմն ու Մարկ Գուալը։

Կոստա Ռունյաիչի թիմը 59-րդ րոպեին զարգացրեց հաջողությունը և հաշիվը դարձրեց 3:0. աչքի ընկավ Տոմաշ Պեկհարթը։

Ավստրիական ակուկբը չընկճվեց և բավական արագ երկու գնդակ ուղարկեց Կասպեր Տոբիաշի պաշտպանած դարպասն ու հավասարեցրեց դիմակայության ընդհանուր հաշիվը. դուբլի հեղինակ դարձավ Անդրեաս Գրուբերը։

Թվում էր` հանդիպումը կտեղափոխվի լրացուցիչ ժամանակ, սակայն կողմերը խաղավերջում տպավորիչ սցենար էին պատրաստել հեռուստադիողների և «Ջեներալի Արենա» մարզադաշտում հավաքված երկրպագուների համար։

87-րդ րոպեին Մացեյ Ռոսոլեկը կրկին առաջ մղեց «Լեգիային», իսկ տանտերերն 89-րդ րոպեին մնաց 10 հոգով. դաշտից հեռացվեց Ալեքսանդր Յուկիչը։

Սակայն, նույնիսկ 10 ֆուտբոլիստներով Միքայել Վիմերի թիմը կրկին հավասարեցրեց դիմակայության հաշիվը. 90+7-րդ րոպեին աչքի ընկավ Ռեյնգոլդ Ռանֆտլը։

Սա էլ դեռ ամենը չէր, քանի որ Վարշավայից ժամանած հյուրերը 90+10-րդ րոպեին, ի վերջո, հաղթանակ կորզեցին նաև ընդհանուր դիմակայությունում. հերոսացավ Էռնեստ Մուչին։

Այսպիսով, «Լեգիան» այս անհավանական խաղում հաղթեց 5:3, իսկ ընդհանուր դիմակայությունում` 6:5 հաշվով և դուրս եկավ Կոնֆերենցիաների լիգայի որակավորման երրորդ փուլ, որի շրջանակում մրցելու է դանիական «Միտդյուլանի» դեմ։

«Աուստրիան» դուրս մնաց հետագա պայքարից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am