Թրիլլեր Վալենսիայում. Բարսելոնան 90+2-րդ րոպեին հաղթանակ կորզեց  Լևանտեի դեմ խաղում🎥

Թրիլլեր Վալենսիայում. Բարսելոնան 90+2-րդ րոպեին հաղթանակ կորզեց Լևանտեի դեմ խաղում🎥

11/04/2022 - 00:59

Իսպանական Լա լիգայի 31-րդ տուրի շրջանակում «Բարսելոնան» Վալենսիայում հյուրընկալվելիս մրցեց «Լևանտեի» դեմ։

Գոլազուրկ առաջին խաղակեսից հետո պարզապես թրիլլերային հանդիպման ականատես եղանք։

Հանդիպման 52-րդ րոպեին «Լևանտեի» ֆուտբոլիստները 11-մետրանոց հարված վաստակեցին, որը դիպուկ իրացրեց Խուսե Լուիս Մորալեսն ու բացեց խաղի հաշիվը։

Ընդամենը 4 րոպե անց` 56-րդ րոպեին, հանդիպման գլխավոր մրցավար Խոսե Լուիս Մունուերան ևս մեկ 11-մետրանոց նշանակեց «բլաուգրանայի» դարպասին։

Գնդակին այս անգամ մոտեցավ Ռոխեր Մարթին, սակայն նրա հարվածից հետո Մարկ-Անդրե Տեր Շտեգենը փրկեց հյուրերին։

Մրցակցի չիրացրած 11-մետրանոցը կարծես արթնացրեց Խավիի թիմին, որը շատ արագ ոչ միայն հավասարեցրեց, այլև առաջ անցավ հաշվի մեջ. 59-րդ րոպեին աչքի ընկավ Պիեր-Էմերիկ Օբամեյանգը, իսկ 63-րդ րոպեին` Պեդրին։

Այդուհանդերձ, վալենսիական ակումբի ֆուտբոլիստները չհանձվեցին ու 82-րդ րոպեին ևս մեկ 11-մետրանոց հարված վաստակեց, որը դիպուկ իրացրեց Գոնսալո Մելերոն ու հաշիվը դարձրեց 2:2։

Թվում էր` վերջ. «Լևանտեին» հաջողվեց, ամեն դեպքում, փրկել հանդիպումն ու կարևոր 1 միավոր վաստակել, սակայն այդ սցերանի հետ համաձայն չէին կատալոնական ակումբի ֆուտբոլիստները, ովքեր 90+2-րդ րոպեին Լյուկ դե Յոնգի ջանքերով կորզեցին հաղթանակ։

Այսպիսով, «Բարսելոնան» 3:2 հաշվով ծանր հաղթանակ տոնեց «Լևանտեի» նկատմամբ, վաստակեց 60 միավոր ու վերադարձավ 2-րդ հորիզոնական։

«Լևանտեն», 22 միավորով, նախավերջինն է` 19-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023