Էմերին դժգոհ է Մարտինեսի վարքագծից և մտադիր է այլ դարպասապահ գնել

Էմիլիանո Մարտինեսը, հնարավոր է, շուտով փոխի ակումբային գրանցումը։

Բանն այն է, որ ինչպես տեղեկացնում է Estadio Deportivo-ն, «Աստոն Վիլլայի» գլխավոր մարզիչ Ունայի Էմերին դժգոհ է արգենտինացի դարպասապահի վարքագծից։

Հատկանշական է, որ Էմերիի և Մարտինեսի միջև տարաձայնություններն սկսվել են դեռևս «Արսենալում» աշխատելու տարիներից, երբ 30-ամյա ֆուտբոլիստը «զինագործների» պահեստային դարպասապահն էր։

Դրան գումարվել է նաև Մարտինեսի` Արգենտինայի ԱԱ-2022-ում չեմպիոնական տիտղոսը նվաճելուց հետո ցուցաբերած վարքագծից։

30-ամյա դարպասապահը չեմպիոնի տիտոսը նվաճելուց հետո պարբերաբար ծաղրել է Ֆրանսիայի հավաքականի հարձակվող Կիլիան Մբապեին։

Աղբյուրի փոխանցմամբ` Էմերին լրջորեն զայրացած է Մարտինեսի վրա և չի ցանկանում նրան տեսնել «Աստոն Վիլլայի» հիմնական դարպասապահի դերում։

51-ամյա մասնագետը մտադիր է նոր դարպասապահ գնել և դրա հիմնական թեկնածուն Յասին Բունուն է («Սևիլիա»), ով վերջերս կայացած աշխարհի առաջնության շրջանակում Մարոկկոյի հավաքականի կազմում բավական վստահ մրցելույթներով աչքի ընկավ։

Հավելենք, որ Էմիլիանո Մարտինեսի և «Աստոն Վիլլայի» միջև գործող պայմանագիրն ավարտվում 2027 թ. հունիսի 30-ին։

Արգենտինացի դարպասապահը Բիրմինգհեմը ներկայացնող ակումբի կազմում հանդես է գալիս 2020 թ. սեպտեմբերից` անցկացրած 91 խաղում դարպասը 30 անգամ պահելով անառիկ։

Ինչ վերաբերում է Յասին Բունուին, ապա վերջինս «Սևիլիայի» կազմում հանդես է գալիս 2019 թ. սեպտեմբերից, որի մարզաշապիկով դաշտ է դուրս եկել 120 անգամ` դարպասը 53 անգամ պահելով անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am