Եվրոպական մի շարք գրանդ ակումբներ հետաքրքրված են Բարելայի ծառայություններով

«Ինտերի» կիսապաշտպան Նիկոլո Բարելան, հնարավոր է, շուտով փոխի ակումբային գրանցումը։

Ինչպես տեղեկացնում է 90min-ն, իտալացի ֆուտբոլիստի ծառայություններով հետաքրքրված է ՊՍԺ-ն։

Նշվում է, որ 26-ամյա կիսապաշտպանին ձեռք բերելու համար փարիզյան ակումբը պատրաստ է գործարքում ներառել Լեանդրո Պարեդեսին, ով ընթացիկ մրցաշրջանը վարձավճարով անցկացնում է «Յուվենտուսի» կազմում։

Ինքը` Բարելան, պատրաստ է դիտարկել «Պարի Սեն-Ժերմեն» տեղափոխվելու տարբերակը, եթե փարիզյան ակումբը նրան գնելու հարցում «ներաձուրիներին» կոնկրետ առաջարկ կատարի։

Հաղորդվում է, որ, բացի ՊՍԺ-ից, Բարելային իրենց շարքերում են ցանկանում են տեսնել նաև «Լիվերպուլը», «Մանչեսթեր Սիթին» և «Չելսին»։

Ընդ որում, իտալացի ֆուտբոլիստի ներկայացուցիչները բազմիցս ակնարկել են, որ Բարելան ապագայում ցանկանում է հանդես գալ հենց անգլիական Պրեմիեր լիգայում։

Հատկանշական է, որ, չնայած տարածված տեղեկություններին, «Ինտերը» չի պատրաստվում բաժանվել Բարելայից և նրան համարում է անձեռնեմխելի ֆուտբոլիստ։

Հավելենք, որ Նիկոլո Բարելան «ներաձուրիների» շարքերը համալրել է 2019 թ. հուլիսին, որի կազմում մինչ օրս անցկացրել է 176 հանդիպում` դառնալով 19 գոլի և 42 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am