ԵԼ. Ման. Յունայթեդը մեծ դժվարությամբ կոտրեց Օմոնիայի դիմադրությունը🎥

Եվրոպա լիգայի 3-րդ տուրում «Մանչեսթեր Յունայթեդը» E խմբի շրջանակում հյուրընկալվելիս մրցեց Կիպրոսը ներկայացնող «Օմոնոիայի» դեմ։

Հանդիպման առաջին խաղակեսից հետո բավական անակնկալ հաշիվ էր վառվում Նիկոսիայի «ԳՍՊ» մարզադաշտի լուսատախտակին, քանի որ տանտերերը 34-րդ րոպեին Կարիմ Անսարիֆարդի խփած գոլի շնորհիվ հաղթում էին 1:0 հաշվթվ։

Այդուհանդերձ, ընդմիջմանը «կարմիր սատանաների» գլխավոր մարզիչ Էրիկ Տեն Հագը Ջեյդոն Սանչոյի փոխարեն դաշտ դուրս բերեց Մարկուս Ռեշֆորդին, ով արդեն 53-րդ րոպեին վերանագնեց հաշվի հավասարակշռությունը, իսկ 63-րդ րոպեին օգնեց աչքի ընկնել Անտոնի Մարսիալին։

83-րդ րոպեին էլ Ռեշֆորդը եզրափակեց հյուրերի կտրուկ հակագրոհը` դառնալով դուբլի հեղինակ։

Հանդիպման մնացած ժամանակահատվածում կիպրական ակումբին հաջողվեց միայն կրճատել հաշվի տարբերությունը. 85-րդ րոպեին աչքի ընկավ Նիկոլաս Պանայոտիու։

Այսպիսով, «Մանչեսթեր Յունայթեդը» մեծ դժվարությամբ 3:2 հաշվով հաղթեց «Օմոնիային»։

Այս խմբում կայացել է ևս մեկ հանդիպում.

«Շերիֆ» 0:2 «Ռեալ Սոսիեդադ»

E խումբը 3-րդ տուրից հետո ունի հետևյալ տեսքը.

1. «Ռեալ Սոսիեդադ» – 9 միավոր
2. «Մանչեսթեր Յունայթեդ» – 6 միավոր
3. «Շերիֆ» – 3 միավոր
4. «Օմոնիա – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am