Դրամա Լոնդոնում. Լիվերպուլը հերթական տպավորիչ comeback-ն արեց` հաղթելով Քրիսթալ Փելասին 🎥

Անգլիական Պրեմիեր լիգայի 16-րդ տուրում «Լիվերպուլը» Լոնդոնի «Սելհերսթ Պարկ» մարզադաշտում հյուրընկալվելիս մրցեց «Քրիսթալ Փելասի» դեմ։

Գոլազուրկ առաջին կեսից հետո «արծիվները» երկրորդ խաղակեսի մեկնարկում բավական արագ բացեցին հաշիվը. 57-րդ րոպեին 11-մետրանոցից աչքի ընկավ Ժան-Ֆիլիպ Մատետան։

Այդուհանդերձ, 75-րդ րոպեին Ռոյ Հոջսոնի թիմի համար ամեն ինչ գլխիվայր շուռ եկավ, քանի որ Ջորդան Այուն հեռացվեց դաշտից` ստանալով երկրորդ դեղին քարտը։

Ստանալով քանակական առավելություն` մերսիսայդյան ակումբն անմիջապես հավասարեցրեց հաշիվը. 76-րդ րոպեին աչքի ընկավ Մոհամեդ Սալահը։

Յուրգեն Կլոպի թիմը խփած գոլից հետո մեծացրեց ճնշումն ու 90+1-րդ րոպեին նաև հաղթանակ կորզեց. հերոսացավ Հարվի Էլիոթը` հեռահար հիասքանչ հարվածով գրավելով Ռեմի Մեթյուսի պաշտպանած դարպասը։

Այսպիսով, «Լիվերպուլը» 2:1 հաշվով բարդ հաղթանակ տոնեց, ինչից հետո վաստակեց 37 միավոր` գլխավորելով մրցաշարային աղյուսակը։

«Քրիսթալը», 16 միավորով, 14-րդն է

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am