Գործարքը կայացած է. Ժորժինիոն տեղափոխվում է Արսենալ

Գործարքը կայացած է. Ժորժինիոն տեղափոխվում է Արսենալ

31/01/2023 - 14:24

«Չելսիի» կիսապաշտպան Ժորժինիոն կարիերան կշարունակի «Արսենալի» կազմում։

Ինչպես հայտնում է ինսայդեր Ֆաբրիցիո Ռոմանոն, կողմերը գործարքի հարցում հասել են վերջնական համաձայնության, որի դիմաց «զինագործներն» «ազնվականներին» վճարելու են 12 մլն ֆունտ ստերլինգ։

Բրազիլական արմատներով իտալացի ֆուտբոլիստը նոր ակումբի հետ պայմանագիրը կնքելու է մինչև 2024 թ. հունիսի 30-ը, որն ունենալու է այն ևս մեկ տարով երկարաձգելու հնարավորություն։

31-ամյա ֆուտբոլիստն «Արսենալի» համար բուժզննում կանցնի այսօր` հունվարի 31-ին, ինչից հետո կողմերը պաշտոնապես կհայտարարեն գործարքի մասին։

Հաղորդվում է, որ «զինագործները» նպատակ են ունեցել Ժորժինիոյի դիրքում գնել «Բրայթոնի» կիսապաշտպան Մոյզես Կայսեդոյին, սակայն հրաժարվել են էկվադորցի ֆուտբոլիստի ծառայություններից` կապված «ճայերի» ֆինանսական պահանջներից և դիրքորոշումից։

Նշվում է նաև, որ Ժորժինիոյի` «Արսենալ» տեղափոխության հարցում մեծ դերակատարություն է ունեցել Միկել Արտետան, ով իտալացի ֆուտբոլիստի տաղանդի մեծ երկրպագուն է։

Հավելենք, որ Ժորժինիոն «Չելսիի» կազմում հանդես էր գալիս 2018 թ. հուլիսից` անցկացրած 213 խաղում դառնալով 29 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023