Գոլառատ խաղ «Քինգ Փաուերում». Նապոլին ոչ-ոքի կորզեց Լեսթերից🎥

Եվրոպա լիգայի խմբային փուլի 1-ին տուրի կենտրոնական հանդիպումը կայացավ «Քինգ Փաուեր» մարզադաշտում, որտեղ «Լեսթերը» C խմբի շրջակում ընդունեց «Նապոլիին»։

Կարելի է ասել` հանդիպման առաջին իսկ լուրջ վտանգավոր գրոհը «Լեսթերի» ֆուտբոլիստները վերածեցին գոլի. 9-րդ րոպեին աչքի ընկավ Այոսե Պերեսը։

Բաց թողած գոլից հետո «Նապոլիի» ֆուտբոլիստներն անմիջապես տիրեցին նախաձեռնությանը և քիչ-քիչ սկսեցին ստանալ խաղային ու տարածքային առավելություն։

Միայն առաջին կեսում հյուրերը կատարել են 15 հարված, 3-ը` դիպուկ, իսկ գնդակին տիրել են 59%, սակայն նախքան ընդմիջման գնալը նրանց չհաջողվեց խփել պատասխան գնդակը. նպաստավոր դիրքերից վրիպեցին Պյոտր Զելինսկին, Ջիովանի Դի Լորենցոն և Իրվինգ Լոզանոն։

Ի վերջո, կողմերն ընդմիջման գնացին տանտերերի նվազագույն առավելությամբ։

Հանդպման 59-րդ րոպեին Պաթսոն Դաքան կրկնապատկեց «աղվեսների» առավելությունը, սակայ գլխավոր մրցավար Տիագո Մարտինսը դիտեց դրվագի տեսակրկնապատկերը և, խաղից դուրս իրավիճակի պատճառով, չարձանագրեց դարպասի գրավումը։

Ամեն դեպքում, 64-րդ րոպեին «Քինգ Փաուերի» լուսատախտակին վառվեց 2:0 հաշիվը, քանի որ Հարվի Բարնսը կրկնապատկեց «Լեսթերի» առավելությունը։

Բաց թողած երկրորդ գոլից ընդամենը 5 րոպե անց` 69-րդ րոպեին, Լուչիանո Սպալետիի սաները վերադարձան խաղ. նեապոլիտանցիների զարգացրած գեղեցիկ գրոհն ոչ պակաս տպավորիչ հարվածով եզրափակեց Վիկտոր Օսիմենը։

Խփած գոլը կարպես թևեր տվեց հյուրերին, ովքեր 87-րդ րոեպին էլ հավասարեցրին հաշը. կրկին աչքի ընկավ Օսիմենը` դառնալով դուբլի հեղինակ։

Խաղավարտին մոտ այլևս դարպասի գրավումներ չեղան. հանդիպումն ավարտվեց 2:2։

C խմբի շրջանակում կայացել է ևս մեկ խաղ.

«Սպարտակ Մոսկվա» 0:1 «Լեգիա»

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am