Բուրկինա Ֆասոյի ֆուտբոլիստները մեղադրվում են Ալժիրի դեմ խաղում սև մոգություն կիրառելու համար

Աշխարհի 2022 թ. առաջնության Աֆրիկայի գոտու որակավորման երկրորդ փուլի 6-րդ տուրում Ալժիրի հավաքականը A խմբի շրջանակում սեփական հարկի տակ մրցեց Բուրկինա Ֆասոյի ընտրանու դեմ. գրանցվեց 2:2 հաշիվը։

Այդ խաղից հետո Ալժիրի հավաքականը մրցակցի ֆուտբոլիստներին մեղադրել է հանդիպումից առաջ սև մոգություն կիրառելու համար։

Այդ մասին Twitter-ի իր միկրոբլոգում տեղեկացրել է ալժիրցի լրագրող Վալիդ Զիանին։

Հայտնի է, որ Ալժիրի հավաքականի ֆուտբոլիստները դիմել են նույնիսկ հատուկ մասնագետի, որպեսզի հանեն կախարդանքը։

Հավելենք, որ այդ ոչ-ոքին թույլ է տվել Ալժիրի հավաքականին վաստակել 14 միավոր, ինչի շնորհիվ A խմբում պահպանել է առաջին հորիզոննականը և նվաճել որակավորկան երրորդ փուլի ուղեգիր։

Բուրկինա Ֆասոն էլ 12 միավորով զբաղեցրել է 2-րդ հորիզոնականը և լքել հետագա պայքարը։

Նշենք, որ աֆրիկյան գոտուց աշխարհի 2022 թ. առաջնության ուղեգիր նվաճելու է 5 հավաքական։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am