Բորուսիայի 16-ամյա հարձակվողը հերթական պատմական ռեկորդն է գրանցել

Բորուսիայի 16-ամյա հարձակվողը հերթական պատմական ռեկորդն է գրանցել

19/12/2020 - 18:14

Վերջին Շրջանում Դորտմունդի «Բորուսիայի» գործերն այնքան էլ լավ չեն։ Մեղուները վերջին 7 խաղերում ընդամենը 2 հաղթանակ են տոնել՝ «Զենիթի» և «Վերդերի» նկատմամբ։ Սրան ավելացավ նաև Էրլինգ Հալանդի վնասվածքը։

Ստեղծված իրավիճակում մարզիչները ստիպված էին ավելի շատ խաղային ժամանակ տալ սեփական ակադեմիայի 16-ամյա սան Յուսուֆա Մուկոկոյին։

Սկզբում պատանին, փոխարինման մտնելով, դարձավ Բունդոսլիգայի և Չեմպիոնների լիգայի պատմության ամենաերիտասարդ խաղացողը։ Բունդեսլիգայի 13-րդ տուրի մեկնարկային խաղում էլ կամերունական արմատներով գերմանացի հարձակվողը գրավեց «Ունիոն Բեռլինի» դարպասը, սակայն այդ գոլը չօգնեց դորտմունդյան ակումբին, քանի օր «Ունիոնը» հաղթեց 2։1 հաշվով։

Ինչպես տեղեկացնում է OptaFranz-ը, այդ գոլի շնորհիվ Յուսուֆա Մուկոկոն դարձավ Բունդեսլիգայի շրջանակում գոլի հեղինակ դարձած ամենաերիտասարդ ֆուտբոլիստը՝ շրջանցելով «Բայերի» կիսապաշտպան Ֆլորիան Վիրցի ցուցանիշը։ Մուկոկոն երբ գրավեց «Ունիոնի» դարպասը 16 տարեկան և 28 օրական էր։

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023