Բիչախչյանը շարունակում է փայլել` դառնալով դուբլի հեղինակ🎥

Բիչախչյանը շարունակում է փայլել` դառնալով դուբլի հեղինակ🎥

09/08/2021 - 00:14

Սլովակիայի Ֆորտունա լիգայի 3-րդ տուրի շրջանակում «Ժիլինան» սեփական հարկի տակ 3:1 հաշվով առավելության է հասել «Պոգորնյեի» նկատմամբ։

«Ժիլինայի» կազմում հանդիպման 66-րդ րոպեին փոխարինման է դուրս եկել Վահան Բիչախչյանը, ով ընդամենը մեկ րոպե անց` 67-րդ րոպեին, տուգանայինից կատարած հարվածով դարձել է բավական գեղիկ գոլի հեղիակ, լուսատախտակին վառել է 2:1 հաշիվը և առաջ է մղել իր թիմին։

79-րդ րոպեին էլ հայազգի կիսապաշտպանն արագ կողմնորոշվեց և մրցակցի տուգանային հրապարակի մատույցներից կատարած հարվածով գրավեց մրցակցի դարպասը` դառնալով դուբլի հեղինակ։

Այսպիսով, «Ժիլինան» հաղթել է 3:1 հաշվով և կայացած 3 խաղերից հետո, վաստակած 9 միավորով, գլխավորում է մրցաշարային աղյուսակը։

Հավելենք, որ Բիչախչյանը ներքին առաջնությունում անցկացրած 2 խաղում դարձել է 2 գոլի և նույնքան գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023