Ատլետիկոն ու Խետաֆեն առաջին խաղակեսում 6 գոլ խփեցին🎥

Ատլետիկոն ու Խետաֆեն առաջին խաղակեսում 6 գոլ խփեցին🎥

13/02/2022 - 01:06

Իսպանական Լա լիգայի 24-րդ տուրի շրջանակում «Ատլետիկո Մադրիդը» սեփական հարկի տակ մրցում է «Խետաֆեի» դեմ։

Հանդիպման առաջին խաղակեսը պարզապես թրիլլերային սցենարով անցավ, որի ընթացքում գլխավոր մրցավար Ռիկարդո դե Բուրգոս Բենգոեչեան նշանակեց 3 11-մետրանոց հարված, իսկ կողմերը փոխանակվեցին խփած երեքական գնդակով։

Խաղի հաշիվը 9-րդ րոպեին կարող էր բացել Լուիս Սուարեսը, սակայն Էլ Պիստոլերոն վրիպեց 11-մետրանոցից. «Խետաֆեին» փրկեց դարպասապահ Դավիդ Սորիան։

Այդուհանդերձ, «հնդկացիները» Անխել Կոռեայի ու Մաթեուս Կունյայի գոլերի շնորհիվ երկու գնդակի առավելություն ստացան, ովքեր աչքի ընկան համապատասխանաբար 20-րդ ու 27-րդ րոպեներին։

Բաց թողած երկու գոլը չկոտրեց հյուրերին, ովքեր 30-42-րդ րոպեների ընթացքում 3 գնդակ ուղարկեցին Յան Օբլակի պաշտպանած դարպասը. դուբլի հեղինակ դարձավ Էնես Ունալը, մեկ անգամ էլ աչքի ընկավ Բորխա Մայորալը։

Ընդ որում, թուրք ֆուտբոլիստը երկու անգամ դիպուկ իրացրեց 11-մետրանոց հարվածը։

Երբ թվում էր` կողմերն ընդմիջման են գնալու «Խետաֆեի» առավելության պայմաններում, Դիեգո Սիմոնեի սաները 45+4-րդ րոպեին հավասարեցրին հաշիվը, իսկ գոլն իր անվան դիմաց գրանցեց Անխել Կոռեան, ով նույնպես դարձավ դուբլի հեղինակ։

Կողմերը, ի վերջո, ընդմիջման գնացին 3:3 հաշվի պայմաններում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023