Անչելոտի. «Ռեալն արժանի էր հաղթանակի, սակայն արդարացումներ չկան»

Իսպանական Լա լիգայի 7-րդ տուրում «Ռեալ Մադրիդը» սեփական հարկի տակ մրցեց «Օսասունայի» դեմ. գրանցվեց 1:1 հաշիվը։

Հանդիպումից հետո տեղի ունեցած մամուլի ասուլիսի ժամանակ իր տպավորություններով է կիսվել «արքայական» ակումբի գլխավոր մարզիչ Կառլո Անչելոտին.

«Մեր լավագույն օրերից չէր, սակայն արժանի էինք հաղթանակի։

Ես մտածում էի փոխել 11-մետրանոցն իրացնողին, սակայն Կարիմ Բենզեման նախորդ մրցաշրջանում դիպուկ էր եղեկ կարևոր խաղերի ժամանակ։ Նա ներկա պահին մեր թիմում լավագույն 11-մետրանոց իրացնողն է։

Արդարացումներ չկան։ Մեր կազմը լավն է, սակայն խաղը չընթացավ այնպես, ինչպես կցանկանայինք։

Մեր հիանալի շարքն ավարտվեց, բայց հիմա մենք ցանկանում ենք սկսել ևս մեկը։

Ոչ-ոքին տխրեցնում է մեզ, բայց մենք դրան կպատասխանենք որքան հնարավոր է շուտ»,- իտալացի մասնագետի խոսքերը մեջբերում է Marca-ն։

Հավելենք, որ «Օսասունայի» դեմ հանդիպման 79-րդ րոպեին Կարիմ Բենզեման չի կարողացել դիպուկ իրացնել 11-մետրանոցը. նրա հարվածից հետո գնդակ դիպավ դարպասաձողին։

Հիշեցնենք, որ ընթացիկ մրցաշրջանում բոլոր մրցաշարերում «Ռեալն» առաջին անգամ միավորներ կորցրեց։ Նախորդ 9 պաշտոնական խաղերում մադրիդյան ակումբը հաղթել էր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am