Ազգերի լիգա. Սերբիան ուշքի է գալիս` խոշոր հաշվով հաղթելով Սլովենիային🎥

Ազգերի լիգայի B դիվիզիոնի 4-րդ խմբում Սերբիայի հավաքականը 2-րդ տուրի շրջանակում` Բելգրադի «Ռայկո Միտիչ» մարզադաշտում, մրցեց Սլովենիայի ընտրանու դեմ։

Առաջ ընկնելով` նշենք, որ Դրագան Ստոյկովիչի թիմն առաջին տուրում Նորվեգիայից կրած պարտությունից (0:1) հետո արագ ուշքի եկավ ու խոշոր` 4:1 հաշվով հաղթեց Սլովենիային։

Սերբերի կազմից մեկական անգամ աչքի ընկան Ալեքսանդր Միտրովիչը, Սերգեյ Միլինկովիչ-Սավիչը, Լուկա Յովիչն ու Նեմանյա Ռադոնիչը, իսկ հյուրերի միակ գոլը գրանցվեց Պետար Ստոյանովիչի անվան դիմաց։

Նշենք, որ այս խմբում կայացել է ևս մեկ հանդիպում.

Շվեդիա 1:2 Նորվեգիա

B դիվիզիոնի 4-րդ խումբը 2-րդ տուրից հետո ստացավ հետևյալ տեսքը.

1. Նորվեգիա – 6 միավոր
2. Սերբիա – 3 միավոր
3. Շվեդիա – 3 միավոր
4. Սլովենիա – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am