ԱԱ որակավորման փուլ. Ավստրալիան ու Ճապոնիան վստահ հաղթանակներ տոնեցին🎥
Մեկնարկեց աշխարհի 2022 թ. առաջնության Ասիայի գոտու որակավորման երրորդ փուլի 7-րդ տուրը։
Տուրի մեկնարկային խաղում Ավստրալիայի հավաքականը B խմբի շրջանակում Մելբուռնում մրցեց Վիետնամի ընտրանու դեմ։
Գրեհեմ Առնոլդի սաները որևէ շանս չտվեցին մրցակցին ու ջախջապեցին 4:0 հաշվով։
Ավստրալացիների գոլերը խփեցին Ջեյմի Մակլարենը, Տոմի Ռոգիչը, Քրեյգ Գուդվինը և Ռայլի Մագքին։
B խմբում կայացավ ևս մեկ հանդիպում.
Ճապոնիա 2:0 Չինաստան
Այս խմբում հունվարի 27-ին կկայանա նաև Սաուդյայ Արաբիա – Օման հանդիպումը, որի մեկնարկը Երևանի ժամանակով նախատեսված է 21:15-ին։
Խումբն այժմ ունի հետևյալ տեսքը.
- Սաուդյան Արաբիա (անցկացրած 6 հանդիպում) – 16 միավոր
- Ճապոնիա – 15 միավոր
- Ավստրալիա – 14 միավոր
- Օման (անցկացրած 6 հանդիպում) – 7 միավոր
- Չինաստան – 5 միավոր
- Վիետնամ – 0 միավոր
Նշենք, որ Ասիիայի գոտուց աշխարհի առաջնության խմբային փուլի ուղեգիր նվաճելու են 5 կամ 6 հավաքականներ։
Քաթարի հավաքականը, որպես մրցաշարն ընդունող երկիր, արդեն նվաճել է խմբային փուլի ուղեգիր, իսկ որակավորման փուլի միջոցով մրցաշարի ուղեգիր նվաճելու են որակավորկան փուլի երկու խմբերի 1-2-րդ հորիզոնականները զբաղեցրած հավաքականները։
Խմբերում 3-րդ հորիզոնակը զբաղեցրած հավաքականները պայքարը կշարունակեն որակավորման 4-րդ փուլում, որի շրջանակում 2022 թ. մայիսին միմյանց միջև երկու դիմակայությունից բաղկացած հանդիպում կանցկացնեն, որի հաղթողն էլ հնարավորություն կստանա մասնակցելու միջմայրցամաքային անցումային հանդիպման։
Ասիայի գոտու հավաքականը միջմայրցամաքային անցումային հանդիպումն անցկացնելու է ԿՈՆՄԵԲՈԼ-ի` Հարավային Ամերիկայի գոտու որակավորման փուլի շրջանակում 5-րդ հորիզոնականը զբաղեցրած ընտրանու դեմ, իսկ հանդիպումը կայանալու է 2022 թ. հունիսին` Քաթարում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am