Սուլշեր. Պետք է ձգտել խաղալ Բարսելոնայի նման

Սուլշեր. Պետք է ձգտել խաղալ Բարսելոնայի նման

17/04/2019 - 18:47

ՄՅՈւ-ի գլխավոր մարզիչ Օլե Գունար Սուլշերը մեկնաբանել է Չեմպիոնների լիգայի 1/4 եզրափակչի պատասխան խաղում «Բարսելոնայից» կրած պարտությունը:

«Պետք է նշեմ, որ Լիոնել Մոսսին խաղում է թոփ մակարդակում և այսօր նա, անխոս, խաղաց որոշիչ դեր: Այն բանից հետո, երբ հաշիվը դարձավ 2:0, խաղն ավարտվեց:

Նա այլ մակարդակի վրա է, Կրիշտիանո Ռոնալդուի հետ մեկտեղ վերջին 10 տարներին նա համարվում է լավագույն խաղացողը և դա գիտեն բոլորը: Մեսսին ցույց տվեց իր մակարդակը:

Մենք պետք է ձգտենք նրան, որ խաղանք «Բարսելոնայի» մակարդակի վրա: Մենք դա կարող ենք, բայց առջևում շատ անելիք կա:

Եթե մենք ուզում ենք վերադառնալ «Մանչեսթեր Յունայթեդի» իսկական մակարդակին, ակումբի իրական ավանդույթներին, ապա մենք պետք է մրցակցենք «Բարսելոնայի» հետ:

Հիմա նրանք խաղով մի քանի աստիճան մեզանից բարձր են: Մենք ցանկանում ենք նման հանդիպումների մասնակցել նաև մյուս տարի, այնպես որ, մեզ սպասվում է կարևորագույն շաբաթ:»,- Սուլշերի խոսքերն է մեջբերում BBC-ն:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022