Ռաֆինիա Ալկանտարան վերադառնում է Լա լիգա

Ռաֆինիա Ալկանտարան վերադառնում է Լա լիգա

26/12/2021 - 15:37

ՊՍԺ-ի կիսապաշտպան Ռաֆինիա Ալկանտարան 2021/22 մրցաշրջանի մնացած հատվածը վարձավճարով կանցկացնի «Ռեալ Սոսիեդադի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, երկու ակումբներն արդեն համաձայնեցրել են գործարքը։

Կողմերի միջև վարձակալական պայմանագիրը կնքվելու է մինչև 2022 թ. հունիսի 30-ը, որը չի ներառելու գնման իրավունք։

Դեկտեմբերի 27-ին բրազիլացի կիսապաշտպանը կմեկնի Սան Սեբաստիան և բուժզննում կանցնի «Ռեալ Սոսիեդադի» համար ու ավարտին կհասցնի իր տեղափոխությունը։

Հավելենք, որ 28-ամյա ֆուտբոլիստը Լա լիգայում հանդես գալու փորձ արդեն ունի, քանի որ պաշտպանել է «Բարսելոնայի» ու «Սելտայի» գույները, իսկ Պրեմիերայի շրջանակում անցկացրել է 117 հանդիպում` դառնալով 16 գոլի և 11 գոլային փոխանցման հեղինակ։

Հիշեցնենք, որ Ռաֆինիան 2020 թ. հոկտեմբերին տեղափոխվեց ՊՍԺ, որի կազմում անցկացրել է 39 հանդիպում` դառնալով 7 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022