Բելգիայի ու Հոլանդիայի առաջնությունները շուտով կմիավորվեն

Բելգիայի ու Հոլանդիայի առաջնությունները շուտով կմիավորվեն

17/03/2021 - 12:42

Կայացել է Բելգիայի բարձրագույն դիվիզիոնի՝ Պրո լիգայի բոլոր մասնակից-ակումբների հերթական խորհրդաժողովը։

Ինչպես տեղեկացնում է Պրո լիգայի պաշտոնական կայքը, խորհրդաժողովի ընթացքում քննարկվել է Բելգիայի ու Հոլանդիայի առաջնությունների միավորման հարցը, որին բոլոր ակումբների ներկայացուցիչները միաձայն կողմ են քվեարկել։

Աղբյուրի փոխանցմամբ՝ միավորված առաջնությունը կոչվելու է ԲեՆիԼիգա։

«ԲեՆիԼիգան բոլոր պրոֆեսիոնալ ակումբների համար պետք է ուղեկցվի տնտեսական կայունությամբ՝ ստեղծելով մեկ ազգային բարձրագույն լիգա, որը հիմնված պետք է լինի արտոնագրման և մրցակցության ուժեղ կանոնների վրա»,- նշված է Պրո լիգայի պաշտոնական հաղորդագրության մեջ։

Հավելենք, որ բելգիական Պրո լիգային ու հոլանդական Էրեդիվիզիային մասնակցում են 18-ական ակումբներ, սակայն չի հաղորդվում, թե միասնական առաջնությանը քանի ակումբներ են մասնակցելու։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022