ՊՍԺ-ն Մբապեի տրանսֆերի վերաբերյալ առաջարկ է ստացել ԱՊԼ-ն ներկայացնող ակումբից

ՊՍԺ-ն Մբապեի տրանսֆերի վերաբերյալ առաջարկ է ստացել ԱՊԼ-ն ներկայացնող ակումբից

24/08/2021 - 11:59

ՊՍԺ-ի հարձակվող Կիլիան Մբապեի ապագան շարունակում է մնալ անորոշ։

Ինչպես տեղեկացնում է RMC Sport-ը, փարիզյան ակումբը չի բացառում, որ, հնարավոր է, ընթացիկ տրանսֆերային պատուհանի ժամանակ վաճառի 22-ամյա ֆուտբոլիստին։

Աղբյուրի փոխանցմամբ` «Պարի Սեն-Ժերմենին» դեռևս չի հաջողվում նոր պայմանագիր կնքել Մբապեի հետ, որն ավարտվում է 2022 թ. հունիսի 30-ին։

«Փարիզը» նրան «5+1» ձևաչափով պայմանագիր է առաջարկել և աշխատավարձի էական բարելավում, սակայն նույնիսկ այդ դեպքում նա եկամտի տեսանկյունից կլինի ակուկբի երրորդ ամենաբարձր վարձատրվող ֆուտբոլիստը` զիջելով Լեո Մեսսիին ու Նեյմարին։

Հաղորդվում է, որ ՊՍԺ-ն Մբապեին վաճառելու տարբերակը կդիտարկի միայն այն դեպքում, եթե ստանա գոհացնող առաջարկ։

Ներկա պահին ֆրանսիացի հարձակվողի հետ կապված միայն Պրեմիեր լիգան ներկայացնող ակումբներից մեկն է «Փարիզին» առաջարկ կատարել, որը տեղի է ունեցել նախորդ շաբաթ։ Ակումբի անունը դեռևս չի բացահայտվում։

Կիլիան Մբապեի հարցում պայքարի մեջ է նաև «Ռեալ Մադրիդը», որը նույնպես առաջարկ է պատրաստում։ Մադրիդյան ակումբն իր առաջարկը, ըստ տեղեկությունների, անելու է օգոստոսի 30-ին և պատրաստ է նրա դիմաց վճարել 130-170 մլն եվրո։

Հայտնի է նաև, որ ինքը` Մբապեն, ցանկանում է տեղափոխվել հենց «Ռեալ»։

Հավելենք, որ ֆրանսիացի հարձակվողն ընթացիկ մրցաշրջանում Լիգա 1-ի շրջանակում մասնակցել է 3 հանդիպման` դառնալով 1 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor