Պաշտոնական. Մարսիալը կարիերան կշարունակի Սևիլիայի կազմում

Պաշտոնական. Մարսիալը կարիերան կշարունակի Սևիլիայի կազմում

26/01/2022 - 13:18

Ինչպես տեղեկացնում է «Սևիլիայի» պաշտոնական կայքը, ակումբը վարձակալել է «Մանչեսթեր Յունայթեդի» հարձակվող Անտոնի Մարսիալին։

Կողմերի միջև վարձակալական պայմանագիրը կնքվել է մինչև 2022 թ. հունիսի 30-ը, որի ավարտից հետո անդալուսական ակումբը չի ունենալու 25-ամյա հարձակվողի տրանսֆերային իրավունքների գնման իրավունք։

Ավելի վաղ հայտնի էր դարձել, որ «Սևիլիան» մինչև հունիս ամբողջությամբ վճարելու է ֆրանսիացի ֆուտբոլիստի աշխատավարձը, իսկ վարձակալության դիմաց մանկունյական ակումբը ստանալու է 6-7 մլն եվրո։

Հավելենք, որ Անտոնի Մարսիալը նոր ակումբի կազմում հանդես կգա «22» համարի մարզաշապիկով։

Հիշեցնենք, որ Անտոնի Մարսիալը «Մանչեսթեր Յունայթեդի» կազմում հանդես է գալիս 2015 թ. սեպտեմբերից և մինչ այժմ ակումբի մարզաշապիկով անցկացրել է 269 հանդիպում` դառնալով 79 գոլի և 50 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022