Պաշտոնական. Հայազգի ֆուտբոլիստը հանդես կգա Էրեդիվիզիան ներկայացնող ակումբի կազմում

Պաշտոնական. Հայազգի ֆուտբոլիստը հանդես կգա Էրեդիվիզիան ներկայացնող ակումբի կազմում

04/01/2022 - 16:24

Ինչպես տեղեկացնում է հոլանդական Էրեդիվիզիան ներկայացնող «Գո Ըհեդ Իգլսի» պաշտոնական կայքը, ակումբը պայմանագիր է կնքել հայազգի ֆուտբոլիստ Ավենտիս Ավենտիսյանի հետ։

Կողմերի միջև պայմանագիրը կնքվել է մինչև 2024 թ. հունիսի 30-ը, իսկ 19-ամյա ֆուտբոլիստը Դևենտեր քաղաքը ներկայացնող ակումբի շարքերը համալրել է անվճար։

Հավելենք, որ Ավենտիսյանը ծնվել է Հունաստանի Սալոնիկ քաղաքում և ունի այդ երկրի քաղաքացիություն։

Երիտասարդ ֆուտբոլիստը հանդես է գալիս ձախ պաշտպանի դիրքում ու հունական ՊԱՕԿ-ի սան է, որի Մ-19 տարեկանների թիմի կազմում անցկացրել է 26 հանդիպում` դառնալով 5 գոլի և 1 գոլային փոխանցման հեղինակ։

Հավելենք, որ Ավենտիս Ավենտիսյանը հանդես է եկել Հունաստանի Մ-16 ու 17 տարեկանների, ինչպես նաև Հայաստանի Մ-16 հավաքականների կազմում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022