Ներկայացում «Սիգնալ Իդունա Պարկում». Բավարիան կրկին հաղթեց Բորուսիային🎥

Ներկայացում «Սիգնալ Իդունա Պարկում». Բավարիան կրկին հաղթեց Բորուսիային🎥

04/12/2021 - 23:29

Գերմանական Բունդեսլիգայի 14-րդ տուրի շրջանակում տեղի ունեցավ հերթական Der Klassiker-ը, որի շրջանակում «Բորուսիա Դորտմունդը» «Սիգնալ Իդունա Պարկ» մարզադաշտում մրցեց «Բավարիայի» դեմ։

Առաջ ընկնելով` նշենք, որ հանդիպումն անցավ բավական հետաքրքիր պայքարում, և կողմերը միասին խփեցին 5 գոլ, իսկ «Բավարիան» 3:2 հաշվով կամային հաղթանակ տոնեց։

Մյունխենյան ակումբի կազմից դուբլի հեղինակ դարձավ Ռոբերտ Լևանդովսկին, մեկ անգամ էլ աչքի ընկավ Կինգսլի Կոմանը։

«Իշամեղուների» գոլերն էլ խփեցին Յուլիան Բրանդտը և Էրլինգ Հալանդը։

Հավելենք, որ կայացած վերջին 7 Der Klassiker-ներն ավարտվել են «Բավարիայի» հաղթանակով։

Այս հաղթանակից հետո Յուլիան Նագելսմանի թիմը վաստակեց 34 միավոր և ամրապնդվեց Բունդեսլիգայի մրցաշարային աղյուսակի առաջին հորիզոնականում։

«Բորուսիան» մնաց 30 միավորով և զբաղեցնում է 2-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022