Հռոմի պապ. Մեսսին շատ լավն է, բայց Աստված չէ

Հռոմի պապ. Մեսսին շատ լավն է, բայց Աստված չէ

01/04/2019 - 22:20

La Sexta հեռուստաալիքի Salvados հաղորդման ընթացքում Հռոմի պապ Ֆրանցիսկոսը պատասխանել է լրագրող Ժորդի Էվոլեի հարցերին:

-Ասել, որ Մեսսին Աստված է, դա սրբապղծությո՞ւն է:

-Տեսականորեն դա սրբապղծություն է. չի կարելի այդպես ասել: Ես դրան չեմ հավատում, իսկ Դուք հավատո՞ւմ եք:

-Այո:

-Ես ոչ: Մարդիկ կարող են նրան Աստված անվանել ճիշտ այնպես, ինչպես կարող են ասել. «Ես քեզ պաշտում եմ»: Բայց խոնարհվել կարելի է միայն Աստծո առջև:

Այդ արտահայտությունը մարդկանց կարծիքն է. «Նա Աստված է գնդակով և դաշտում»: Սա սեփական կարծիքն արտահայտելու տարածված մեթոդ է:

-Բայց նա հիանալի է խաղում, ճիշտ չէ՞:

-Իհարկե, նա շատ լավն է, բայց նա Աստված չէ:

Հռոմի պապը, ով ի դեպ, ֆուտբոլասեր է, վաղուց երկրպագում է արգենտինական «Սան-Լորենսո» ակումբին:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022