Ինտերը ֆանտաստիկ comeback-ով հաղթեց Էմպոլիին` բարձրանալով 1-ին հորիզոնական🎥

Ինտերը ֆանտաստիկ comeback-ով հաղթեց Էմպոլիին` բարձրանալով 1-ին հորիզոնական🎥

06/05/2022 - 22:47

Իտալական Ա սերայի 36-րդ տուրի մեկնարկային խաղում «Ինտերը» սեփական հարկի տակ մրցեց «Էմպոլիի» դեմ։

Հանդիպումը բավական անհաջող մեկնարկեց միլանյան ակումբի համար, քանի որ արդեն 28-րդ րոպեի դրությամբ «Էմպոլին» հաղթում էր 2:0 հաշվով։

Նախ 5-րդ րոպեին հաշիվը բացեց Անդրեա Պինամոնտին, ապա 28-րդ րոպեին աչքի ընկաց Քրիստիան Ասլանին։

Այդուհանդերձ, նախքան ընդմիջման գնալը Սիմոնե Ինձզագիի թիմը կարողացավ ոչ միայն կրճատել, այլև հավասարեցնել հաշիվը. 40-րդ րոպեին Սիմոնե Ռոմանյոլին դարձավ ինքնագոլի հեղինակ, իսկ 45-րդ րոպեին Լաուտարո Մարտինեսը խփեց «Ինտերի» երկրորդ պատասխան գնդակը։

Կողմերն ընդմիջման գնացին 2:2 հաշվի պայմաններում։

Երկրորդ խաղակեսի հենց մեկնարկից «ներաձուրիները» մեծ ճնշում էին գործադրում «Էմպոլիի» դարպասի ուղղությամբ։

Ինչ-որ պահից սկսած` վտանգավոր պահերն սկսեցին հաջորդել մեկը մյուսին, սակայն «Էմպոլիի» դարպասապահ Գիլելմո Վիկարիոն որոշ դրվագներում հրաշքներ էր գործում։

Ամեն դեպքում, 64-րդ րոպեին տանտերերի բազմաքայլ գրոհը տվեց իր արդյունքը, ու Լաուտարո Մարտինեսն առաջ մղեց արդեն «Ինտերին», իսկ ինքը դարձավ դուբլի հեղինակ։

Նշենք, որ արգենտինացի հարձակվողն Ա սերիայի շրջանակում խփեց 19-րդ գոլն ու լավագույն ռմբարկուբերի պայքարում զբաղեցնում է 3-րդ հորիզոնականը։

Խաղավերջում միլանյան ակումբն էլ ավելի մեծացրեց հաշվի տարբերությունը. 90+4-րդ րոպեին հանդիպման վերջակետը դրեց Ալեքսիս Սանչեսը։

Ի վերջո, «Ինտերը» 4:2 հաշվով գերկամային հաղթանակ տոնեց, ինչից հետո վաստակեց 78 միավոր և ժամանակավորապես գլխավորեց Ա սերիայի մրցաշարային աղյուսակը` շրջանցելով «Միլանին»։

«Ռոսոներիները», որոնք ունեն ուննեն 77 միավոր, ընթացիկ տուրում դեռևս պետք է անցկացնեն իրենց հանդիպումն ու հյուրընկալվելիս կմրցեն «Վերոնայի» դեմ։

«Էմպոլին», 37 միավորով, 4-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022