Դեպայ. «Բարսելոնան ցանկանում է ռևանշի հասնել Բավարիայի նկատմամբ»

Դեպայ. «Բարսելոնան ցանկանում է ռևանշի հասնել Բավարիայի նկատմամբ»

07/12/2021 - 11:15

«Բարսելոնայի» հարձակվող Մեմֆիս Դեպայը խոսել է Չեմպիոնների լիգայի խմբային փուլի 6-րդ տուրի շրջանակում «Բավարիայի» դեմ կայանալիք հանդիպման սպասելիքների մասին.

«Մենք պետք է հոգեբանորեն պատրաստ լինենք այդ խաղին։ Այդ հանդիպումը մեզ համար եզրափակիչի նման է լինելու, և մենք պետք է 90 րոպե խաղանք առավելագույն ինտենսիվությամբ։

Անկասկած, շատ բան կախված է լինելու նաև «Բենֆիկայի» գրանցած արդյունքից, սակայն մենք պետք է կենտրոնանք մեր հանդիպման վրա։

Իհարկե, «Բարսելոնան» ցանկանում է ռևանշի հասնել «Բավարիայի» նկատմամբ, քանի որ հավանական է` սա մեր վերջին շանսն է։

Ամեն ինչ սկսվում է հավատից։ Մենք «Բարսելոնան» ենք, այդ պատճառով էլ ամեն ինչ հնարավոր է»,- հոլանդացի հարձակվողի խոսքերը մեջբերում է Mundo Deportivo-ն։

Հիշեցնենք, որ «Բավարիա» – «Բարսելոնա» հանդիպումը կկայանա դեկտեմբերի 8-ին, որն անցկացվելու է առանց հանդիսականների մասնակցության։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022