Դեպայը որոշել է հեռանալ Բարսելոնայից

Դեպայը որոշել է հեռանալ Բարսելոնայից

15/01/2023 - 16:11

«Բարսելոնայի» հարձակվող Մեմֆիս Դեպայն, ամենայն հավանականությամբ, ընթացիկ ձմեռային տրանսֆերային պատուհանի ժամանակ կհեռանա «Բարսելոնայից»։

Ինչպես տեղեկացնում է ինսայդեր Ֆաբրիցիո Ռոմանոն, հոլանդացի հարձակվողը դժգոհ է «բլաուգրանայում» ունեցած իր կարգավիճակից և որոշել է հեռանալ ակումբից։

Աղբյուրի փոխանցմամբ` Մեմֆիսի ծառայություններով հետաքրքրված է «Ատլետիկո Մադրիդը», որը պատրաստ է վարձակակել 28-ամյա ֆուտբոլիստին։

Ինքը` Դեպայը, նույնպես ցանկանում է կարիերան շարունակել մադրիդյան ակումբի կազմում և գրեթե կասկած չկա, որ եթե ակումբները հասնեն համաձայնության, նա կտեղափոխվի «Ատլետիկո»։

Հաղորդվում է, որ առաջիկա օրերին ակումբները ծրագրում են գործարքի հարցում նոր բանակցություններ անցկացնել։

Հիշեցնենք, որ Դեպայը «կապտանռնագույնների» շարքերը համալրել է 2021 թ. հուլիսին, որի շրջանակում մինչ օրս անցկացրել է 42 հանդիպում` դառնալով 14 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022