Գործարքը կայացած է. Մարսիալը կարիերան կշարունակի Լա լիգայի առաջատար ակումբներից մեկի կազմում

Գործարքը կայացած է. Մարսիալը կարիերան կշարունակի Լա լիգայի առաջատար ակումբներից մեկի կազմում

25/01/2022 - 10:13

«Մանչեսթեր Յունայթեդի» հարձակվող Անտոնի Մարսիալը մրցաշրջանի մնացած հատվածը կանցկացնի «Սևիլիայի» կազմում։

Ինչպես տեղեկացնում է հանրահայտ ինսայդեր Ֆաբրիցիո Ռոմանոն, անդալուսական ակումբը մինչև ընթացիկ մրցաշրջանի ավարտը կվարձակալի ֆրանսիացի ֆուտբոլիստին, որի դիմաց «Յունայթեդին» վճարելու է 6 մլն եվրո։

Ռոմանոն գրում է, որ վարձակալական պայմանագրի ավարտից հետո «Սևիլիան» չի ունենալու 26-ամյա ֆուտբոլիստին գնելու իրավունք։

Երկու ակումբները նաև համաձայնեցրել են ֆուտբոլիստի աշխատավարձի հարցը, որը մինչև հունիս ամբողջությամբ վճարելու է անդալուսական ակումբը։

Ֆրանսիացի հարձակվողը հունվարի 25-ին իր գործակալ Ֆիլիպ Լամբոլեի հետ կմեկնի Սևիլիա և ավարտին կհասցնի այս տրանսֆերը։

Հիշեցնենք, որ Անտոնի Մարսիալը «Մանչեսթեր Յունայթեդի» կազմում հանդես է գալիս 2015 թ. սեպտեմբերից և մինչ այժմ ակումբի մարզաշապիկով անցկացրել է 269 հանդիպում` դառնալով 79 գոլի և 50 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022