Գործարքը կայացած է. Էնդրիկը տեղափոխվելու է Ռեալ Մադրիդ

Գործարքը կայացած է. Էնդրիկը տեղափոխվելու է Ռեալ Մադրիդ

09/12/2022 - 12:01

«Պալմեյրասի» 16-ամյա հարձակվող Էնդրիկը կարիերան կշարունակի «Ռեալ Մադրիդի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, գործարքի հարցում կողմերը հասել են վերջնական համաձայնության, որի դիմաց «արքայական» ակումբը վճարելու է ընդհանուր 72 մլն եվրո, որից 60 մլնը Էնդրիկի հրաժարագինն է, 12-ը` տարբեր հարկեր։

Պատանի ֆուտբոլիստը նոր ակումբի հետ կնքելու է 6 տարվա պայմանագիր, որն ուժի մեջ կլինի մինչև 2030 թ. հունիսի 30-ը։

Էնդրիկը «Ռեալի» շարքերը համալրելու է 2024 թ. հուլիսի 1-ին, երբ արդեն չափահաս կլինի` 18 տարեկան։

Ռոմանոն հաստատում է, որ, ճիշտ է, գործարքի հարցում կողմերը հասել են բանավոր համաձայնության, սակայն ակումբները դեռևս որևէ պաշտոնական փաստաթուղթ չեն ստորագրել` հաշվի առնելով ՖԻՖԱ-ի կանոնադրությունն, ըստ որի, մինչև 18 տարեկանը ֆուտբոլիստը չի կարող պրոֆեսիոնալ պայմանագիր ստորագրել։

Սպասվում է, որ մինչև տարեվերջ «արքայական» ակումբի ղեկավարությունը կլուծի բոլոր փաստաթղթային և իրավաբանական հարցերը։

Նշենք, որ Էնդրիկը «Պալմեյրասի» սան է, որի գլխավոր թիմում անցկացրել է 7 խաղ` դառնալով 3 գոլի հեղինակ։

Պատանի ֆուտբոլիստը վերջերս դարձել է բրազիլական Ա սերիայի պատմության ամենաերիտասարդ գոլի հեղինակը։

Սույն թվականի հոկտեմբերի 26-ին «Ատլետիկո Պարանաենսեի» դեմ խաղում Էնդրիկը մրցակցի դարպասը գրավել է 16 տարեկան 3 ամսական և 4 օրական հասակում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022