Բարսելոնան սկզբունքային համաձայնություն ունի Չելսիի պաշտպանի հետ

Բարսելոնան սկզբունքային համաձայնություն ունի Չելսիի պաշտպանի հետ

29/12/2021 - 12:38

«Բարսելոնան» անում է ամեն ինչ, որպեսզի համալրում ունենա պաշտպանությունում։

Ինչպես տեղեկացնում է լրագրող Ժերար Ռոմերոն, կատալոնական ակումբը մոտ է «Չելսիի» պաշտպան Սեզար Ասպիլիկուետայի հետ պայմանագիր կնքելուն։

Աղբյուրի փոխանցմամբ` «բլաուգրանասը» պայմանագրի կնքման հարցում սկզբունքային համաձայնության է հասել 32-ամյա ֆուտբոլիստի հետ։

Նշենք, որ, եթե կողմերը, ի վերջո, հասնեն համաձայնության, ապա իսպանացի պաշտպանը «Բարսելոնայի» շարքերն անվճար կհամալրի 2022 թ. ամռանը, քանի որ նրա ու «Չելսիի» միջև գործող պայմանագիրն ավարտվում է 2022 թ. հունիսի 30-ին։

Հաղորդվում է, որ միայն անձնական արտառոց խնդիրները կարող են խանգարել գործարքի վերջնական իրագործմանը։

Հավելենք, որ Ասպիլիկուետան Լա լիգայում հանդես գալու փորձ արդեն ունի, քանի որ 2007-2010 թթ. պաշտպանել է «Օսասունայի» գույները։

Նա Պրեիմերիայի շրջանակում անցկացրել է 99 հանդիպում և կատարել 3 գոլային փոխանցում։

Հիշեցնենք, որ Ասպին 2012 թ. օգոստոսից հանդես է գալիս «Չելսիում», որի կազմում մինչ օրս անցկացրել է 449 հանդիպում` դառնալով 14 գոլի և 59 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022